Обуката на над 360 лица за пожарникари по Јавен оглас на Влада, започна денеска. Сите лица треба да добијат сертификат за гасење на пожари, и да помогнат во справувањето со пожарите низ Македонија.
Од ВМРО-ДПМНЕ претходно најавија дека ангажманот на овие лица ќе биде серонзки и ќе биде финансиски поддржан од Владата.
„Точно 364 лица, од кои 34 во Скопје, ќе ја искористат мерката на Владата предводена од ВМРО-ДПМНЕ, на која ќе се обучуваат теоретски и практично за справување со пожарите во Македонија. Нивниот ангажман ќе биде сезонски и ќе биде финансиски поддржан од Владата со по 24 илјади на секој работник.
Обуките веќе се во тек низ 13 градови во државата, со кој се покриваат 28 општини низ државата. Младите лица кои се пријавени на обуките, ќе поминат дводневна обука, со која ќе бидат спремни за само една недела да излезат на терен во справувањето со огнените стихии.“, велат од ВМРО-ДПМНЕ.
ИЗВОР: ТВ 21
