Македонија ќе се соочи со нова, но значително пониска царина од 15 отсто за извоз на стоки во САД, според најновата извршна наредба потпишана од американскиот претседател Доналд Трамп.
Со оваа мерка, која ќе стапи на сила во наредните неколку дена, САД воведуваат трговски ограничувања за десетици земји ширум светот, како дел од стратегијата за, како што е наведено, „реструктуирање на глобалната трговија во корист на американските работници“.
Претходно, царината за Македонија изнесуваше 33 отсто, но е значително намалена, што ја става земјата во групата со поблаги трговски услови. За споредба, Србија ќе биде погодена со царини од 35 отсто, а Босна и Херцеговина со 30 отсто. Косово, Црна Гора и Албанија ќе плаќаат „универзална“ стапка од 10 отсто.
Европската Унија, Јапонија и Јужна Кореја ќе подлежат на фиксна царина од 15 отсто. Сирија се соочува со највисоката стапка – 41 отсто.
Белата куќа наведе дека царините ќе стапат на сила најдоцна до 7 август, наместо 1 август како што првично беше најавено. Со новите царини, се очекува САД да вршат притисок врз земјите кои сè уште немаат усогласени трговски или безбедносни договори со Вашингтон.
Целата листа можете да ја погледнете ТУКА!
ИЗВОР: ТВ 21
