Малта ќе ја признае државата Палестина во септември

ИСТАНБУЛ (АА) – Малта ќе ја признае државата Палестина за време на Генералното собрание на ОН во септември, објави премиерот на земјата, Роберт Абела, јавува Анадолу.

„Ставот на нашата земја ја одразува нашата посветеност на наоѓање решение во корист на траен мир на Блискиот Исток“, напиша Абела во објава на Фејсбук синоќа.

Соопштението на Абела дојде само неколку часа по сличната изјава на британскиот премиер Кир Стармер и по неколку дена откако Франција ги откри своите планови за признавање.

Абела првично ги објави плановите за признавање на државата Палестина во мај, наведувајќи дека тоа ќе се случи за време на конференцијата на ОН за Палестина во јуни; сепак, конференцијата подоцна беше одложена.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.