Украина му се заблагодари на Трамп по најавата за скратување на рокот од 50 дена за прекин на огнот со Русија

ИСТАНБУЛ (АА) – Украина денес му се заблагодари на американскиот претседател Доналд Трамп откако тој најави дека ќе го скрати рокот од 50 дена што претходно ѝ го постави на Русија за постигнување договор за прекин на огнот со Киев, јавува Анадолу.

Шефот на Кабинетот на украинскиот претседател, Андриј Јермак, изрази благодарност до Трамп за, како што рече, „јасната порака за мир преку сила“.

„(Рускиот претседател Владимир) Путин почитува само моќ – и таа порака е гласна и јасна. Кога Америка води со сила, другите размислуваат двапати“, додаде Јермак.

Претходно во текот на денот Трамп, пред средбата со британскиот премиер Кир Стармер во Шкотска, изјави дека е „многу разочаран“ од рускиот претседател Владимир Путин, наведувајќи дека тој „почнува со ракетирање на некој град, како главниот град Киев, при што гинат многу луѓе, меѓу кои и во домови за стари лица“.

Тој додаде дека рокот од 50 дена ќе биде скратен бидејќи „веќе знае“ што ќе се случи.

На 14 јули Трамп се закани со воведување 100% секундарни царини за Русија доколку не се постигне договор за завршување на војната во Украина во рамките на поставениот рок.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.