Најмалку 11 Палестинци се убиени во израелски напади врз Газа

ГАЗА/ИСТАНБУЛ (АА) – Најмалку 11 Палестинци се убиени, а голем број се повредени во израелските напади врз Појасот Газа, информираат извори, пренесува Анадолу.

Израелската војска изведе напад врз шатор во областа ал-Маваси, западно од Хан Јунис, во кој биле сместени раселени семејства. Во нападот се убиени најмалку шест лица, вклучувајќи две деца, соопштија извори.

Областа е претходно означена како „безбедна зона“ од страна на Израел.

Во друг напад врз куќа во центарот на градот Газа, убиени се петмина Палестинци, а неколкумина се ранети.

Израелската армија продолжи да урива куќи и згради со експлозив во делови од Хан Јунис.

Од 7 октомври 2023 година, Израел спроведува геноцидна војна врз Газа убивајќи речиси 60.000 Палестинци и преизвика масовно раселување и уништување на палестинската енклава, што предизвика меѓународна осуда и повици за прекин на огнот.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.