За претстојните квалификациски натпревари со Грција во Атина и со Грузија во Скопје, македонската одбојкарска репрезентација веќе една недела се подготвува во Маврово. Селекторот Јошко Миленковски, го подигнува нивото на тренинзите, а проверката на формата ќе бидат контролните дуели со Бугарија во Софија.
– Желбите и амбициите се да обезбедиме учество на четвртото Европско првенство во низа. Со висок интензитет и позитивна енергија работиме во Маврово, фокусирани на дуелите со Грција и Грузија. Сакам да верувам дека летово ќе го завршиме со две победи и пласман на ЕП. Зошто да не!? Вистина е дека со Грците имаме два пораза на последните два натпревара, но тоа не значи дека не може да изненадиме во Атина. Така и победата ќе биде многу послатка! – оптимист е Лука Костиќ.
По двата контролни дуела со Бугарија на 29 и 30.јули во Софија, македонскиот одбојкарски тим продолжува со подготовки во Скопје каде од 5 до 7 август ќе настапи на меморијалниот турнир „Бранко Хаџи Иљоски – Чајка“ заедно со Бугарија и Швајцарија. (МИА)
Извор: kurir.mk
