Никола Кукунеш е назначен за нов в. д. директор на Струшките вечери на поезијата (СВП), ни рекоа од Министерството за култура и туризам. Кукунеш е од редот на вработените во поетскиот фестивал, а доаѓа на местото на Цветанка Маркоска, чиј мандат како в. д. директорка истече. Тој е и советник во Советот на Оптина Струга од редовите на ВМРО-ДПМНЕ.
„Согласно член 34 од Законот за културата, во случај кога не е избран директор на Национална установа или предвреме му престанал мандатот, министерот за култура и туризам веднаш именува вршител на должноста директор од редот на вработените. Со Решение 44-6890/1 од 15.7.2025 година, за нов в.д. директор на НУ Манифестација Струшки вечери на поезијата-Струга е назначен Никола Кукунеш“, ни одговорија од Министерството.
Кукунеш за САКАМДАКАЖАМ.МК вели дека годинава Фестивалот ќе се одржи од 21 до 24 август, најавени се 26 поети од странство и дека сите подготовки си течат согласно плановите. Годинашен лауреат на Златниот венец на СВП е словачкиот поет Иван Штрпка.
Б. НЕСТОРОСКА
ИЗВОР: sdk.mk
