Руската контрола на воздушниот сообраќај изгуби контакт со патнички авион Ан-24 во кој се превезувале околу 50 лица.
Авионот, управуван од „Ангара ерлајнс“, летал кон градот Тинда, во регионот Амур на крајниот исток на Русија, во близина на границата со Кина.
Се верува дека авионот исчезнал само неколку километри пред својата дестинација.
Гувернерот на регионот, Василиј Орлов, изјави дека според прелиминарните податоци, во авионот имало 43 патници, вклучувајќи пет деца, и шест членови на екипажот.
-Сите расположиви сили и ресурси се насочени кон потрага по авионот, напиша тој на Телеграм.
Извор: 24vesti.mk
