Продолжија масовните протести во Грција по железничката несреќа што однесе 57 човечки животи

Масовниот протест започна мирно пред грчкиот парламент во центарот на Атина, но набрзо група маскирани лица, кои се одвоија од другите демонстранти, започнаа со инциденти и се судрија со полицијата, по што полицајците одговорија со употреба на шок-бомби и солзавец

Голем број граѓани и денеска, како и минатите денови, излегоа на улиците во центарот на Атина и Солун за да го изразат својот револт по железничката несреќа во која животот го загубија најмалку 57 лица. Масовниот протест започна мирно пред грчкиот парламент во центарот на Атина, организиран од страна на вработените во железницата, со поддршка од синдикатите, студентските здруженија и граѓански организации.

Но набрзо група маскирани лица, кои се одвоија од другите демонстранти, започнаа со инциденти и се судрија со полицијата, по што полицајците одговорија со употреба на шок-бомби и солзавец.

Вчера во Атина полицијата за борба против нереди пред парламентот употреби солзавец и шок-бомби за да ги растера демонстрантите што фрлаа врз нив петарди и камења, запалија корпи за ѓубре и ги предизвикаа полициските кордони да одговорат. Нема информации за апсења или повредени. Протестите, на кои повикаа левичарските и студентските групи, беа поттикнати од гневот поради наводниот недостиг на безбедносни мерки во железничката мрежа на Грција. Најголемиот протест беше во централниот грчки град Лариса, кој се наоѓа недалеку од местото на несреќата, каде што мирно маршираа неколку илјади луѓе. Слични протести се одржаа и во средата и во четвртокот.

(ФОТО) Расте гневот во Грција, илјадници протестираа поради железничката несреќа

Демонстрантите извикуваа слогани против политичарите, кои ги сметаат за одговорни за лошата состојба на грчките железници. Нередите траеле околу еден час, а потоа ситуацијата била смирена. Владата на Грција објави дека ќе биде формирана комисија од експерти за истрага на железничката несреќа, но за тоа не деби консензус на опозициските партии.

Мицотакис: Се чини дека несреќата во Грција се должи главно на трагична човечка грешка

Железничката несреќа што се случи во вторникот вечера и е една од најголемите во Грција во изминатите 50 години предизвика бурни реакции кај граѓаните кои континуирано организираат протести. Несреќата се случи кога патнички удри во товарен воз во вторникот вечерта. Во рамките на истрагата полицијата извршила претрес на железничката станица во Лариса. Портпаролот на полицијата изјави дека се одземени сите документи што би можеле да помогнат во истрагата. Одговорниот шеф на станицата веќе е обвинет за убиство од небрежност. Доколку биде прогласен за виновен, на 59-годишникот му се заканува доживотен затвор.

(ВИДЕО) Објавен последниот разговор меѓу шефот на станицата и машиновозачот пред судирот на двата воза во Грција