Најмалку 14 лица убиени, 25 повредени во израелските напади врз бегалски камп во Газа

ИСТАНБУЛ (АА) – Најмалку 14 лица се убиени, а 25 се повредени рано утринава кога израелските воени авиони ги погодија шаторите во кои се засолнети раселените Палестинци во бегалскиот камп Шати во северна Газа, велат медицински извори, јавува Анадолу.

Според официјалната палестинска новинска агенција Вафа, жртвите, меѓу кои жени и деца, биле однесени во болницата „Шифа“ во градот Газа по воздушниот напад пред зори.

Израел уби повеќе од 59.000 Палестинци, повеќето жени и деца, во Појасот Газа од октомври 2023 година. Воената кампања ја разори енклавата, го уништи здравствениот систем и доведе до сериозен недостиг на храна.

Минатиот ноември Меѓународниот кривичен суд издаде налози за апсење на израелскиот премиер Бенџамин Нетанјаху и неговиот поранешен министер за одбрана Јоав Галант за воени злосторства и злосторства против човештвото во Газа.

Израел, исто така, се соочува со случај на геноцид во Меѓународниот суд за правда за неговата војна во енклавата.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.