„Бомба“ од Англија со веста дека Арсенал и официјално испратил понуда до Реал Мадрид за Бразилецот Родриго, вредна дури 90 милиони евра!
Според информациите од Островот, „топчиите“ понудиле почетна сума од 44 милиони фунти, а останатите две рати во висина од 17 милиони би се исплатиле во следните две години.
Бразилецот пет сезони е дел од кралскиот клуб, но сега и не е во некоја комбинација за стартниот тим, со што се отвора вратата за заминување. Минатата сезона одигра 35 натпревари и забележа учинок од осум голови и шест асистенции.
Како што пренесуваат Англичаните веќе и Реал Мадрид дал согласност за негово заминување и преселба во редовите на Арсенал!
Извор: kurir.mk
