Активно гори на 5 локации во Македонија

Во периодот од вчера до утрово до 7 часот на отворен простот се активни пет пожари, а 19 се изгаснати.

Од активните пожари еден е во општина Дојран во село Николич каде гори нискостеблеста шума, друг во општина Чучер Сандево, каде во село Горњани гори исто така нискостеблеста шума.

Активен пожар има и во општина Велес кај село Џидимирци и Крушје, каде гори мешана шума, во општина Македонски Брод помеѓу селата Црешнево, Локвица, Крапа и Слатина каде гори дабова шума, грмушки и ниска вегетација.

Според информациите од ЦУК пожар има и во општина Прилеп во населбата Три Багреми со кој е зафатена ниска вегетација.