АНКАРА (АА) – Американската пејачка Оливија Родриго изјави дека ситуацијата во Појасот Газа, кој се наоѓа под израелски напади, е „ужасна и целосно неприфатлива“ и објави дека за децата во Газа донирала средства за Меѓународниот фонд за деца на Обединетите нации (УНИЦЕФ), известува Анадолу.
Во објава во делот „приказни“ на платформата за социјални медиуми Инстаграм, пејачката Родриго упати критики во врска со ситуацијата во Газа.
Нагласувајќи дека мајките, татковците и децата во Газа се гладни и жедни и лишени од основни медицински услуги и хуманитарна помош, Родриго наведе:
„Нема зборови со кои би ја изразила тагата што ја чувствувам поради уништувањето кое им е нанесено на невините луѓе во Палестина“ и додаде:
„Ниедно дете во Израел, Палестина или каде било на друго место во светот не заслужува да ги доживее тешкотиите на коишто се принудени да ги трпат овие деца“.
Наведувајќи дека ситуацијата во Газа е „ужасна и целосно неприфатлива“, Родриго го упати следниот коментар:
„Да се откажеме од нив значи да се откажеме од нашата заедничка човечност“.
Родриго истакна дека му донирала средства на УНИЦЕФ за да им помогне на оние што ја доживуваат „ужасната ситуација“ во Газа и ги повика своите следбеници и тие да донираат за Газа.
Извор: Anadolu Agency (AA)
