Овој тим нема да настапува во Лига Европа следната сезона, и покрај обезбедениот пласман преку ФА Купот, откако УЕФА донесе одлука да го премести во Конференциската лига. Според информациите на Sky Sports, клубот најавил дека ќе поднесе жалба на оваа одлука.
Причината за промената е поврзана со правилата на УЕФА за мулти-клуб сопствеништво. Имено, дел од сопствениците на Кристал Палас поседуваат удел и во друг клуб, тоа е Лион, кој исто така се пласира во Лига Европа, што претставува конфликт според правилникот на Европската фудбалска асоцијација.
Оваа одлука претставува сериозен удар за англискиот клуб кој се надеваше на враќање во второто најелитно европско натпреварување. Сепак, Кристал Палас ќе има можност да се натпреварува на европска сцена преку Конференциската лига, додека правната битка со УЕФА допрва започнува.
Извор: kurir.mk
