СКОПЈЕ (АА) – Илјадници граѓани се собраа во главниот венецуелски град Каракас, повикувајќи на враќање на децата што, според властите, биле одделени од своите семејства и се наоѓаат во САД, јавува Анадолу.
Протестите, на кои учествуваа мајки, баби и други роднини на малолетниците, како и роднини на Венецуелци кои наводно се притворени во Ел Салвадор, имаа цел да ја направат оваа ситуација видлива и да се побара меѓународен одговор.
Демонстрантите носеа транспаренти со натпис „СОС“ и фотографии од децата, праќајќи итен апел до светската јавност.
Според официјални извори, венецуелските власти постојано алармираат за, како што велат, „кражба“ или незаконско задржување на малолетници од страна на американските институции.
Според Владата, бројот на вакви случаи надминува 30.
Извор: Anadolu Agency (AA)
