Секторот за внатрешни работи Куманово информира дека вчера попладне, во близина на шумски пожар во с. Лозаново, е пронајдено тело на засега неидентификувано лице. По наредба на надлежен јавен обвинител, телото е предадено на обдукција за утврдување на причината на смртта и идентитетот.
Пожари
- Четирце (14:49 ч.) – Пламен зафати стрниште, необработени ниви, лозови насади и кровна конструкција на куќа во сопственост на Ц.Д., како и две помошни простории (М.Д. и Н.П.) и напуштена куќа. Повредени нема; пожарот е локализиран од ТППЕ Куманово.
- Нас. „Перо Чичо“, Куманово (15:18 ч.) – Гореше помошна просторија кај сопственикот Д.С. Лицето вдишало чад и е пренесено во Општа болница Куманово.
ЦУК евидентира вкупно 13 пожари на подрачјето на Куманово и Старо Нагоричане во последното деноноќие.
Сообраќајна незгода
Околу 14:30 ч. на магистралниот пат Куманово–Крива Паланка, во атар на с. Војник, се судрија две товарни возила („Волво“ и „Ивеко“) и патничко возило „Сеат Леон“. Повредени нема, но патничкото возило целосно изгоре. Увид изврши екипа на СВР Куманово; истрагата за причините е во тек.
ИЗВОР: racin.mk
