Помина повеќе од една година откако градот предизвика речиси 100% штета врз насадите во Полошкиот регион, а земјоделците сè уште немаат добиено никакво обештетување. Тие велат дека сè уште ги трпат последиците од загубите и дека никој не ги посетил или сослушал нивните маки. Иако продолжиле со работата, велат дека се заглавени во долгови кон агроаптеките.
„По природната катастрофа што ја имавме на 22 јуни минатата година, од градот, не сме добиле пари. Штетите беа 100%, бевме оставени на милост и немилост, и сè уште сме во долгови за „ѓубрива, семиња, и саден материјал што ги земавме од агроаптеките – сè уште не се сме ги платиле.“, вели земјоделец.
„За жал, имавме ветувања, но никаква реализација! Веќе една година штетата беше 100% – не само за нас туку и за сите земјоделци. Сме во долгови, се трудиме со оваа година да ги покриеме долговите и од минатата година. Апелиравме барем долговите да се исплатиме колку што може“, рече земјоделец.
Од Општина Тетово велат дека ги доставиле сите предмети до владиниот комисиски орган.
„Од страна на Општина Тетово сите предмети се доставени до централната комисија, и од наша страна сме чисти во овој поглед. Сега чекаме решение од Владата за конечно да се затвори ова прашање.“, изјави Бесарта Рамадани, портпарол на Општина Тетово.
Претседател на државната комисија за проценка и обештетување е Фатмир Сабриу, кого се обидовме да го контактираме, но беше недостапен за да одговори до каде е постапката за земјоделците од Тетово, особено ако се има предвид дека голем дел од земјоделците во другите општини веќе добиле оштета од Владата пред два месеци.
ИЗВОР: ТВ 21
