Жозе Мурињо и Хјoнг-Мин Сон неодамна одржале лична средба на која тема била можниот трансфер на ѕвездата на Тотенхем во турскиот гигант Фенербахче.
Според информации од Турција, капитенот на Тотенхем е заинтересиран за идејата да се пресели во Истанбул, а турскиот гигант му нуди годишна плата од 12 милиони евра.
Фенербахче е сериозен во намерата трансферот да се реализира што е можно побрзо, а како што пренесува шпанскиот „Фичајес“, вкупниот финансиски пакет би достигнал 30 милиони евра – сума која е поврзана со договорните обврски на Сон во Азија.
Иако има активен договор со Тотенхем до 2026 година, силната лична релација со Мурињо и атрактивната понуда од Турција може да бидат пресудни. Потсетување, токму Мурињо беше менаџерот што му даде нова димензија во периодот од 2019 до 2021 година, додека седеше на клупата на англискиот клуб.
Извор: kurir.mk
