На Фејсбук профилот на пратеникот на ДУИ Исмаил Јахоски објавена е слика од Турција на која тој е заедно со неговиот син, сопственикот на Пуицко Петрол , Асмир Јахоски кој е осомничен за злоупотреби со набавките на мазут за ТЕЦ Неготино.
Јахоски неодамна беше пуштен од притвор и му беше одземен пасошот со наредба да се јавува во судот, со гаранција од над два милиони евра. Јавноста реагираше на неговото заминување во Турција, кое според објаснувањето на неговиот татко под фотографијата поводот бил дипломирање на член од семејството.
Од полицијата потврдуваат дека Јахоски излегол од земјава на 30 ти мај преку граничниот премин Богородица и се вратил денеска преку истиот премин.
Времениот пасош, односно со ограничен рок на важење, му го издало МВР, а за тоа дозвола дал Апелациониот суд во Скопје.
Од Кривичниот суд објаснуваат дека Јахоски заминал со времен пасош и оти денеска се јавил на пријавница кај судската полиција дека е во земјава.
Правдата изгледа ќе мора да почека додека тој слави матурски на Босфор.
ВМРО-ДПМНЕ бара одговорност од судиите, тие мора да одговараат.
Реформи во судството мора да има, порачаа од ВМРО-ДПМНЕ.
ИЗВОР: ТВ 21
