Фидан: Мировните преговори во Истанбул им дадоа „нова димензија“ на напорите за мир на Русија и Украина

ИСТАНБУЛ (АА) – Мировните преговори меѓу Москва и Киев, што се одржаа во Истанбул на 16 мај, додадоа „нова димензија“ во потрагата по дипломатско решение, изјави денес турскиот министер за надворешни работи Хакан Фидан за време на неговата посета на Украина, јавува Анадолу.

Фидан ги даде овие коментари на заедничката прес-конференција со неговиот украински колега, Андриј Сибиха, во Украина.

„Докажавме дека руско-украинските преговори во Истанбул можат да дадат конкретни резултати“, рече Фидан, изразувајќи ја желбата на Анкара да го одржи импулсот постигнат во Истанбул.

„Или ќе толерираме продолжување на оваа (руско-украинска) војна или ќе постигнеме траен мир во текот на оваа година“, нагласи тој.

„Веруваме дека преговорите во Истанбул би можеле да бидат крунисани со средба, со Трамп, Путин и Зеленски, организирана од страна на Ердоган“, додаде Фидан.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.