Украинскиот претседател Володимир Зеленски денеска се очекува да пристигне во Берлин на средба со новиот германски канцелар Фридрих Мерц, пренесе ДПА.
Двајцата лидери планираат да разговараат за можни чекори кон понатамошни „технички“ разговори меѓу Украина и Русија, јави „Шпигел“.
Посетата сè уште не е официјално потврдена ниту од Киев, ниту од Берлин. Патувањата на Зеленски често не се соопштуваат однапред поради безбедносни причини.
Во меѓувреме, берлинската полиција најави опсежни безбедносни мерки и ограничувања на сообраќајот поради посета на висок државен гостин.
Ова патување би било прва посета на Зеленски на германскиот главен град откако Мерц ја презеде функцијата. Украинскиот претседател последен пат го посети Берлин во октомври 2024 година.
Мерц отпатува за Киев на почетокот на мај со британскиот премиер Кир Стармер, францускиот претседател Емануел Макрон и полскиот премиер Доналд Туск.
Извор: 24vesti.mk
