Поранешниот пратеник Сафет Бишевац во Аргумент плус рече дека иако новиот претседател на Врховен суд не е експониран во јавноста сепак се очекува да донесе подобра состојба во правосудството во Македонија.
Според него, со програмата новиот претседател е на добар пат да направи значајни исчекори.
„Би сакал овие промен да се исчекор во насока каде сите граѓани очекуваат подобра состојба во правосудството и судскиот систм. Останува да видиме, новиот претседател на Врховен суд не е експониран во јавноста за разлика од неговата претходничка. Но од дискусиите знаеме дека станува збор за вреден судија кој во својата пограма наведил работи кои треба да се направат и се надевам дека ќе е исчекор“, рече Бишевац.
Тој зборуваше и за одлуката на Управниот суд да ја поништи одлуката за избор на судијката на Уставен суд, Елизабета Дуковска.
„Заев сопствените интереси ги стави пред интересите на граѓаните. Сега е проблем со судската одлука за друг суд. Ако се дојде до ситуација каде изборот на уставен судија е неважечки тука се доведува во прашање одлукта на Собранието. Ме чуди прво што не верувам во случајности. Не верувам дека тие што ја избирале судијката не знаеле дека го кршат Законот. Зачудува тоа што на Управниот суд им требало две години да донесат таква одлука. Ова не е ништо освен доказ за во каква состојба е македонскто правосудство. Недозволиво е“, додаде Бишевац.
Извор: 24vesti.mk
