Сперма од донатор за кој се покажа дека е носител на ретка мутација поврзана со рак е искористена за зачнување на најмалку 67 деца во осум европски земји, од кои десет досега развиле различни форми на рак, беше објавено на Годишната конференција на Европското здружение за хумана генетика во Милано. Во времето на донацијата во 2008 година, не било познато дека мутацијата е канцерогена и не можело да се открие со стандардно тестирање.
Откритието се случи кога две семејства, чии деца имале рак, независно контактирале со клиниките за ин витро оплодување.
Подоцнежната анализа покажа дека вкупно 23 деца ја наследиле мутацијата, вклучувајќи случаи на леукемија и Хоџкинсова болест.
Извор: 24vesti.mk
