Контејнерски брод што превезувал опасни материи потона во близина на брегот на Индија, а 24-те членови на екипажот се спасени.
Бродот „Ем-ес-ел ЕЛСА 3“ (MSL ELSA 3), долг 184 метри, пловел под знаме на Либерија од пристаништето Визианагарам до пристаништето Кочи во државата Керала, во јужна Индија. Бродот испратил повик за помош, при што на местото на несреќата пристигнале авиони на индиската морнарица.
Екипажот на потонатиот број бил составен од морнари од Грузија, Украина, Русија и Филипини.
Бродот превезувал 640 контејнери, од кои 13 беа со опасни материи и 12 со калциум карбид. Индиското Министерство за одбрана не прецизираше за какви опасни материи биле транспортирани. Калциум карбид се користи во хемиската индустрија за производство на ѓубрива и во челичната индустрија.
Бродот имал и 370 тони гориво и нафта, но досега не е регистрирано излевање.
Извор: 24vesti.mk
