Политичкиот аналитичар Сефер Селими во Аргумент плус рече дека, нефункционалноста на „Вреди“ била присутна од почетокот на формирањето на коалицијата.
Според него, постои недостаток на отчетност од Таравари.
„Цел процес за мене е почнат наопаку. Ние имавме креирање на коалиција во последен момент без јасно дефинирани позиции посебно Таравари. Грешката се направи и од страна „Вреди“ и од Мицковски кој уште пред да завршат изборите тој одреди кој ќе ги претставува Албанците без да слушне кој се нивни претставници. „Вреди“ не функционира. Гледавме различни ставови од почеток. Тоа се гледаше од многу порано дека таа коалиција нема хемија и нема добра планирана стретагија врз која се усогласени сите ставови“, рече Селими.
Тој зборуваше и за тоа дека доколку нема легитимитет кај албанските политички партии можни се предвремени парламентарни избори.
„Ако имаме предвид дека ни претстојат локални избори, а од друга страна имаме неприфатен легитимитет од страна на албанските политички партии се гледа можноста да имаме предвремени парламентарни избори. Тоа е нова енергија и препозиционирање на политичките партии“, додаде Селими.
Извор: 24vesti.mk
