Општина Чаир презеде иницијатива за чистење на отпадот на нејзина територија. Според градоначалникот, Висар Ганиу, со ова сакале да му помогнат на Град Скопјe во одржувањето на хигиената.
Додава дека градот не ги исполнува своите обврски во управувањето со отпадот, наведувајќи го како пример намалувањето на бројот на контејнери од 530 на само 320. Сепак, акцијата беше прекината од страна на Градот Скопјe, со образложение дека управувањето со отпадот во Чаир е надлежност на градот, а не општината.
„Денес потпишавме договор со приватна компанија за собирање отпад кој е надвор од контејнерите, што се нарекува рефус. И што се случува!? Првиот ден кога камионот зад нас почна да работи, и вие сте сведоци дека не помина ниту еден час откако објавив дека почнуваме да работиме и дека Чаир ќе биде чист. Бидејќи и ние ќе помогнеме, без да се занимаваме со градот Скопјe, без да се занимаваме со дотичната компанија. Односно, Градот Скопјe веднаш го испрати инспекторатот, го блокираше камионот, повика полициска помош, а сега сакаат да го конфискуваат камионот. Од свои причини, кои ние не ги знаеме“, вели Висар Ганиу.
Од ЈП на Град Скопје Комунална хигиена велат дека Ганиу треба да каже каде го фрла отпадот. Бидејќи нема договор со санитарната депонија Дрисла.
„Ганиу треба да каже каде го фрла ѓубрето што го собира, бидејќи нема склучен договор со единствената санитарна депонија Дрисла. Јавното претпријатие Комунална Хигиена редовно ги извршува своите работни активности според оперативниот план на Советот на Град Скопје, а одлуките на Комунална Хигиена ги носи управниот одбор на претпријатието поставен од коалицијата ВМРО ДПМНЕ-ВЛЕН“, вели Сабахудин Реџепи.
Инаку во последните неколку дена Чаир се давеше во отпад фрлен и надвор од контејнерите, нешто што во континуитет ја загадува животната средина.
ИЗВОР: ТВ 21
