11 пациенти се лекуваат во странство – тим од специјалисти ќе ја утврдува состојбата на повредените

11 пациенти повредени по пожарот во Кочани и натаму се лекуваат во странство и се во стабилна состојба.

Заменик министерот за здравство Јовица Андоновски информираше дека ќе се извршат прегледи на сите пациенти со цел да се утврди нивната здравствена состојба за понатамошна рехабилитација.

Директорката на Клиниката за пластична хирургија, Јасмина Ѓеорѓиевска Павловска, изјави дека доволен број медицински екипи се испратени во болницата во Кочани за лекување на повредените. Таа истакна дека пациентите кои се таму имаат потреба од полесна физикална терапија во споредба со оние во Скопје. Во меѓувреме, Андоновски додаде дека, доколку има потреба да се испратат дополнителни лекари, ќе се изврши соодветна координација за тоа.

Со претставниците на општината ќе се разговара за прскање од комарци во регионот, бидејќи тоа може да претставува ризик за повредените.