Во Македонија, ликовните уметници се соочуваат со сложена реалност што вклучува и страст за креативност и предизвици за добивање соодветно признание и поддршка. Иако земјата има богато уметничко наследство и многу талентирани сликари, нивното институционално и јавно ценење честопати е ниско, иако оваа ситуација се промени во последниве години, вели ликовната уметница Љуљзиме Османи.
„Мислам дека со текот на годините, обидувајќи се да направиме нешто, го издигнавме Кичево на повисоко ниво затоа што луѓето малку знаат, но не и суштината на тоа да се биде ценет како во странска земја и тука го темелам моето размислување, дека пред 8 години со курсот што го имав со по 6 или 7 деца, денес имам 40 деца, и Албанци и Македонци“, вели Љуљзиме Османи.
Државните и приватните галерии се ограничени по број и не секогаш обезбедуваат одржливи платформи за промоција на современите уметници. Многу сликари се принудени да прават изложби во странство за да добијат пошироко признание и подобри можности за продажба.
„Бројот на луѓе е многу мал, тие се со лични покани или од атер некој да дојде и да ве почести со присуство на изложбата, луѓето претпочитаат да седат во кафуле и да поминуваат часови таму отколку да излезат и да видат нешто убаво, не знам зошто се случува тоа, можеби целосно сме го изгубиле интересот за животот во Македонија“, вели Љуљзиме Османи.
Уметничките дела на домашниот пазар ретко се продаваат и често по ниски цени, што не ја одразува работата, талентот и посветеноста на уметникот. Недостатокот на одржлива поддршка од културните институции и отсуството на вистински уметнички пазар им отежнува на уметниците да живеат само од својата уметност.
„Ако уметникот зависи од продажбата, нема начин да се живее, особено во Кичево или во место помало од Кичево. Зборувам од мое лично убедување бидејќи ако не бев наставник, немаше да го имам курсот што го имам со децата во ова студио. Ако се грижев само за продажба на слики, нема преживување“, вели Љуљзиме Османи.
Подобрувањето на оваа состојба бара поголема посветеност од државните институции, поширока едукација на јавноста за важноста на уметноста и развој на уметнички пазар што им го дава на домашните творци местото што го заслужуваат.
ИЗВОР: ТВ 21
