Реал Мадрид е подготвен да им парира на Баерн Минхен, Манчестер Сити и Ливерпул во трката за потписот на Флоријан Вирц, „кралевите“ се подготвени да го продадат Родриго и со овие пари да тргнат по потписот на Германецот.
Флоријан Вирц треба да биде еден од трансферите кои летоска ќе го обележат преодниот рок, Баерн Минхен сериозно загриза за перспективниот фудбалер, а свои математики имаат и Реал Мадрид, Манчестер Сити и Ливерпул.
Како што пренесува новинарот Флоријан Плетенберг, Баер Леверкузен без размислување ќе одбие 100 милиони евра и ќе инсистира сумата потребна за реализирање на зделката да биде околу 150 милиони евра.
До овој момент нема пристигнато ниту една конкретна понуда, но сите внимателно следат што се случува.
Реал Мадрид се посочува како аутсајдер, но „кралевите“ можат да ја изненадат конкуренцијата, Флорентино Перез размислува да го продаде Родриго и со овие пари да тргне по потписот на Флоријан Вирц.
Извор: kurir.mk
