БЕРЛИН (АА) – Германскиот канцелар Фридрих Мерц денес објави дека Европската Унија (ЕУ) ќе усвои нови санкции против Русија следната недела откако рускиот претседател Владимир Путин одби да присуствува на мировните преговори во Истанбул, пренесува Анадолу.
Во разговор за јавниот радиодифузен сервис ЗДФ доцна синоќа Мерц рече дека иако украинскиот претседател Владимир Зеленски отпатувал во Турција и покажал подготвеност за преговори, отсуството на Путин го спречило потенцијалниот договор за прекин на огнот.
„Кој може да каже дека не направивме доволно дипломатски напори последниве денови за да ја завршиме оваа војна? Единствениот што сега греши со тоа што не се појави е Путин. Сите предуслови за прекин на огнот беа исполнети“, рече Мерц.
„Пакетот санкции на ЕУ е готов. Консултациите се завршени, пакетот е готов и ќе биде усвоен следниот вторник во Брисел“, рече Мерц, додавајќи дека Европејците ги координираат своите чекори со Американците, а американскиот Конгрес, исто така, започнува слична иницијатива за нови санкции.
Мировните преговори во Истанбул треба се одржуваат денес, но без Путин.
Откако дозна за отсуството на Путин, Зеленски отпатува на самитот во Албанија, но остана неговата делегација за преговорите во Истанбул.
Извор: Anadolu Agency (AA)
