Килијан Мбапе испиша историја во дресот на Реал Мадрид. Кралскиот клуб направи пресврт против Мајорка во среда навечер, во 36-то коло од шпанското првенство, и ја одложи прославата на титулата на Барселона за најмалку 24 часа, а францускиот напаѓач го постигна првиот од двата гола на домашниот тим.
Мбапе е во одлична форма на крајот од сезоната, постигнувајќи шест гола во последните три лигашки натпревари (три во „Ел Класико“) и сега има 40 гола во сите натпреварувања во сезоната 2024-25.
Мбапе е првиот играч во историјата на славниот мадридски клуб кој постигнал 40 гола во својата дебитантска сезона. Во историјата на славниот клуб се запишани имињата на Кристијано Роналдо, Карим Бензема, Руд ван Нистелрој, Пушкаш, Ди Стефано… но Французинот успеа да ги засени сите.
На пример, Роналдо постигна 33 гола во својата прва сезона (2009-10).
Французинот дојде во Мадрид како слободен агент минатото лето од ПСЖ, а претходно играше за Монако. (МИА)
Извор: kurir.mk
