Легендарниот италијански тренер Фабио Капело, кој во кариерата ги водеше Јувентус, Милан и Реал Мадрид, го коментираше талентот на младиот напаѓач на Барселона, Ламин Јамал.
Трофејниот стручњак ја спушта топката по глобалната хистерија предизвикана од брилијантните игри на тинејџерот на Барса. Капело смета дека Јамал има талент, но и дека споредбите со легендите не се реални.
„Ламин Јамал има многу квалитети и се уште може да се подобри, но јас не го сметам за генијалец или феномен. Меси и Марадона направија работи кои никој не можеше ни да ги замисли. Не можам да го споредувам со нив“, истакна Капело.
Извор: kurir.mk
