Челниците на Интер ги тријат рацете од задоволство по досегашниот настап на тимот во Лигата на шампионите.
Тимот од Милано заработи речиси 200 милиони евра од учеството оваа сезона во друштвото на најдобрите, што е повеќе од кој било друг клуб од Серија А досега. И тоа не е сè.
Клубот ќе добие уште 10,5 милиони евра доколку го освои трофејот. Од нив, 6,5 милиони евра се за триумфот во Лигата на шампионите, додека останатите 4 милиони евра се за учеството во Суперкупот на УЕФА, во кој освојувачот на Лигата на шампионите на 13 август на стадионот „Фриули“ во Удине ќе се соочи со освојувачот на Лига Европа (Тотенхем или Манчестер Јунајтед).
Според италијанските медиуми, Интер заработил 133 милиони евра од награди во Лигата на шампионите и околу 60 милиони евра од продажба на билети за меѓународни натпревари во сезоната 2024/2025.
Inter have already earned almost €200m in this Champions League season:
• €133 million from Champions League prize money.
• €60 million from ticket sales for European matches.If Inter win the Champions League, they stand to gain an additional €10.5 million:
• €6.5… pic.twitter.com/4axkNfV4Mq
— F.C. InterData (@Fcinterdata) May 10, 2025
Речиси 200 милиони евра заработени од елитното европско натпреварување оваа сезона се најголемата сума што некогаш ја заработил италијански клуб и речиси двојно повеќе од она што „Нероаѕурите“ го заработија пред две години, кога стигнаа до финалето на Лигата на шампионите. Тогаш инкасираа 101 милион евра.
„Чест ни е што играме во финалето на Лигата на шампионите затоа што го заслужуваме тоа. Оваа група е заедно со тренерот четири години. Ние сме меѓу европската елита, и тоа заслужено“, рече претседателот на Интер, Џузепе Марота.
Извор: kurir.mk
