Израелската армија ќе ги прекине нападите во Газа за ослободување на Едан Александер

АНКАРА (АА) – Израелската армија е подготвена за воспоставување безбеден коридор во Газа и привремен прекин на огнот за ослободување на израелскиот војник Едан Александер, објавија денес израелските медиуми, јавува Анадолу.

Израелскиот јавен сервис КАН соопшти дека Армијата ќе ги прекине нападите во Газа и ќе воспостави безбеден коридор од 12 часот по локално време за ослободување на војникот.

Израелскиот „Канал 12“, исто така, објави дека израелските сили во Газа биле известени за прекин на огнот за ослободување на Александер, што треба да започне во 12 часот по локално време.

Вооруженото крило на палестинската група Хамас, исто така, објави дека одлучило да го ослободи Александар денес.

„Бригадите Ал-Касам одлучија да го ослободат ционистичкиот војник Едан Александер, кој има американско државјанство, денес (понеделник), 12 мај 2025 година“, истакна портпаролот Абу Обејда во кратко соопштение.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.