ВАТИКАН (АА) – Духовниот водач на католиците и претседател на Ватикан, папата Лео XIV, изјави дека е длабоко трогнат од настаните во Појасот Газа и дека сака итен прекин на огнот, известува Анадолу.
Новиот папа Лео XIV избран во Ватикан на 8 мај, ја одржа својата прва неделна миса од големата ложа на базиликата „Свети Петар“.
Во својот говор по мисата, Папата упати пораки во врска со меѓународните случувања.
Потсетувајќи дека Втората светска војна завршила пред 80 години во ова време, папата Лео XIV истакна:
„Оваа војна одзеде 60 милиони животи. Како што папата Франциск постојано наведуваше, денес се соочуваме со драматичниот спектакл на Трета светска војна што се води во фрагменти.“
Обраќајќи им се на светските лидери, папата Лео XIV рече:
„Се обраќам до старешините на Земјата. Го повторувам повикот што сè уште е валиден: Никогаш повеќе да нема војна.“
„Во срцето ја носам болката на украинскиот народ. Нека се направи сè што е потребно за што поскоро да се постигне реален, праведен и траен мир. Нека сите заробеници бидат ослободени и децата да можат да се вратат кај своите семејства“, рече Папата.
Папата Лео XIV се осврна и на Газа, која е под израелски напади, со зборовите:
„Длабоко жалам за она што се случува во Појасот Газа. Веднаш да биде прогласен прекин на огнот, да се обезбеди хуманитарна помош за исцрпеното цивилно население и сите заложници да бидат ослободени“.
Осврнувајќи се на прекинот на огнот меѓу Пакистан и Индија, Папата се рече:
„Ја поздравив веста за прекинот на огнот меѓу Индија и Пакистан. Се надевам дека преку претстојните преговори ќе се постигне траен договор што е можно поскоро.“
Папата Лео XIV, чија прва неделна миса ја следеа голем број луѓе, на сите мајки им го честиташе Денот на мајките.
Извор: Anadolu Agency (AA)
