Четирикратниот светски шампион во Формула 1, Себастијан Фетел, го поддржа својот поранешен ривал Луис Хамилтон, поради тешкотиите што Британецот ги доживува откако се пресели во Ферари на почетокот на годината.
Тешкотиите што го мачат Хамилтон се добро документирани, но според Фетел, кој возеше за Ферари од 2015 до 2020 година, Британецот ќе најде начин да се справи со нив. Германецот исто така изјави дека овие тешкотии биле сосема очекувани, бидејќи животот во Ферари е сосема поинаков.
-Не ги знам сите теми, па затоа немам целосна слика. Но, очигледно промената е голема, особено за Луис. Ферари има свои правила, своја култура, тимот е сосема поинаков. Знам дека прават сè што можат за да му го олеснат преминот и да го осигурат неговиот успех. И ако некој може да го направи тоа, тоа е Луис. Не се сомневам во неговите способности, изјави Фетел за „Кронен Цајтунг“. (МИА)
Извор: kurir.mk
