Кошаркарите на МЗТ Скопје остварија сигурна победа од 81:64 во првиот дуел со МКК Куманово од полуфиналната серија на плејофот во македонската машка кошаркарска лига.
Домаќините издоминираа во првите дваесет минути и му дозволија на противникот да постигне само 25 поени, па тоа беше доволно за рутински да биде заокружен првиот дуел меѓу овие ривали во плејофот.
Капитенот Дамјан Стојановски беше најрасположен во редовите на МЗТ и го заврши натпреварот со 18 поени, Крстевски уфрли 14, а Петков 12 поени.
Петровиќ со 15 и Луковиќ со 12 поени беа најдобри реализатори во редовите на МКК Куманово, екипа која ќе се обиде да го поправи впечатокот на вториот натпревар од серијата, на кој исто така ќе биде гостин.
Утре започнува и втората полуфинална серија во која се среќаваат ТФТ и Работнички.
Извор: kurir.mk
