Инфлацијата во земјава продолжува со умерено темпо. Индексот на трошоците на живот во април 2025 година, во споредба со април 2024 година, е зголемен за 2.6 отсто, додека индексот на цените на мало бележи пораст од 2.7 отсто, соопшти Државниот завод за статистика.
На месечно ниво, споредено со март 2025 година, инфлацијата изнесува 0.6 проценти. Главни двигатели на растот се повисоките трошоци за транспорт (5.1%), облека и обувки (1.5%), рекреација и култура (1.4%), мебел и одржување на домаќинства (0.5%), здравствени услуги (0.4%) и храна и безалкохолни пијалаци (0.3%).
Цените на мало, пак, на месечно ниво се зголемени за 1.6 отсто, што дополнително ја потврдува динамиката на поскапувањата кај одредени категории производи и услуги.
Намалување на трошоците е забележано кај разновидните стоки и услуги (0.7%) и кај алкохолните пијалаци, тутунот и наркотици (0.1%).
Без промена остануваат трошоците во групите: домување и комунални услуги, ресторани и хотели, комуникации и образование.
Цените на мало, пак, на месечно ниво се зголемени за 1.6 отсто, што дополнително ја потврдува динамиката на поскапувањата кај одредени категории производи и услуги.
ИЗВОР: racin.mk
