НАРА (АА) – Прочуениот парк Нара, сместен во подножјето на планината Вакакуса (Микаса), кој датира од 1880 година, претставува едно од најпрепознатливите природни богатства на Јапонија, јавува Анадолу.
Паркот, кој опфаќа голема зелена површина, ги комбинира природната убавина и историјата преку своите древни храмови и светилишта, а истовремено е дом на голем број диви животни и разновидни растителни видови.
Меѓу највпечатливите жители на паркот се сика елените – вид автохтон за Источна Азија, кои во Нара бројат повеќе од 1.200 единки.
Тие се движат слободно меѓу посетителите и се сметаат за симболи на регионот.
Елените се често забележани под гранките на цветните сакура дрвја, кои се длабоко вкоренети во јапонската култура и традиција.
Хармонијата помеѓу животинскиот свет и природното опкружување го прави паркот Нара една од најпосетуваните туристички дестинации во земјата.
Извор: Anadolu Agency (AA)
