Загина мотоциклист во сообраќајка на патот Дебар – Струга

Во тешка сообраќајна несреќа која се случи денеска попладнево на регионалниот пат Дебар – Струга, загина мотоцкилист од Кичево, соопштија од МВР.

Сообраќајката се случила во близина на селото Отишани, на 10 километри од Дебар.

„Сообраќајната несреќа се случила помеѓу моторно возило пежо 406 со скопски регистираски ознаки управувано од Б.Г. од Скопје, и мотоцикл Дукати, со кичевски регистарски ознаки управуван од Б.Р. од Кичево. Итна медицинска помош констатирала смрт кај возачот на мотоциклот. Во несреќаа со телесни повреди се здобила сопатничка од возилото пежо“, соопшти Стефан Димовски, портпарол на СВР Охрид.

Патниот правец таму беше неколку часа во прекин поради оваа незгода.