ДУИ била загрижена од континуираните обиди на Мицкоски да се наметнува како тутор на политичката сцена. Во партиското соопштение реакција на изјавата на Мицкоски, се вели дека туторството на Мицкоски претставувало опасен и неприфатлив обид за реконфигурирање на политичката волја на албанските гласачи. Ова е црвена линија што никогаш досега не е премината – и што никогаш нема да биде дозволено да се премине, се наведува во соопштението.
Никој, а најмалку Христијан Мицкоски – политичар кој ја има изградено својата кариера врз омраза, исклучивост и национализам – нема ниту морален, ниту политички легитимитет да го дизајнира албанското политичко претставување.
Албанското политичко претставување произлегува исклучиво од волјата на граѓани Албанци– автентично, достоинствено и слободно. Тоа не е предмет на пазар, дизајн или политички инженеринг од политичари кои неспособноста да раководат ја покриваат со омраза и се плашат од мултиетничноста наместо да ја прифатат како вредност. Мицкоски не е и никогаш нема да биде тутор на политичко претставување на Албанците, велат од ДУИ.
Извор: 24vesti.mk
