Ракетен напад од Јемен врз израелскиот аеродром „Бен Гурион“, летовите прекинати

ЕРУСАЛИМ/АНКАРА (АА) – Израелските власти денес ги прекинаа сите летови на аеродромот „Бен Гурион“ откако ракета лансирана од Јемен падна во близина, јавува Анадолу.

Службата за итни случаи на Израел, „Маген Давид Адом“, објави дека „неколку лица се здобиле со полесни повреди поради паѓањето на ракета близу Терминалот 3 на аеродромот Бен Гурион“, без да даде дополнителни детали.

Нападот се случил по повеќекратни сирени за воздушен напад во различни региони на Израел и неколку неуспешни обиди за пресретнување на проектилот, според израелската армија.

Канал 13 јави дека војската започнала внатрешна истрага за неуспехот на системите за противвоздушна одбрана да ја пресретнат ракетата.

Ова е трето лансирање ракета за два дена по претходните тврдења на Хусите дека ја таргетирале воздухопловната база „Рамат Давид“ и регионот на Тел Авив.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.