На денешен ден 4. мај 1980 година почина Јосип Броз Тито, доживотниот претседател на Социјалистичка Федеративна Република Југославија.
Тито беше водач во борбата против окупаторот од 1941 до 1945 година. Долгогодишен лидер на Комунистичката партија на Југославија и командант на вооружените сили од крајот на Втората светска војна до неговата смрт.
Мислењата за неговата улога и дело се спротивставени – за едни Тито е симбол на социјална правда, подобар и посигурен живот, голем надворешнополитички углед, а за други – диктатор со огромна политичка моќ кој се пресметувал со политичките неистомисленици.
Тито почина во Клиничкиот центар во Љубљана, а неговиот погреб беше во Белград. Во последните години се почеста е идејата на српските власти за префрлувањето на неговите останки од Белград во неговото родно место Кумровeц, сегашна Хрватска.
ИЗВОР: ТВ 21
