Пред конклавата во Рим исполнети 90 отсто од сместувачките капацитети

May 3, 2025
1 min read

Властите во Рим очекуваат стотици илјади туристи за време на конклавата, изборoт на нов папа, која започнува на 7 мај, а градската хотелска асоцијација наведува дека 90 отсто од сместувачките капацитети се веќе исполнети. 

Конклавата ќе привлече најголем број нови туристи, но во исто време во Рим ќе се одржи мастерс тенискиот турнир, на кој ќе учествува италијанскиот тенисер Јаник Синер, по тримесечна суспензија поради допинг.

Поради исполнетост на капацитетите, но и поради цените, некои туристи одлучија да резервираат сместувачки објекти кои не се хотели, ниту се наоѓаат во Рим, туку на блиски места кои се добро поврзани, како што се Брачоли и Ладисполи, пренесува РАИ. 

Хотелската асоцијација „Федералберги Рома“ соопшти дека цените на собите се зголемиле за околу 10 проценти, но рече дека тоа се должи на „шпицот на сезоната“, а не само поради конклавата. 

„Федералберги“, исто така, соопшти дека по смртта на папата се зголемил бројот на резервации за 15 проценти.

Федерико Тралди, претседател на Албае, здружението на пансиони во регионот Лацио, рече дека капацитетите на тие сместувања се исто така речиси целосно исполнети, истакнувајќи дека голем број луѓе ги откажале резервациите на денот на смртта на папата.

Тралди, сепак, истакна дека бројот на резервации значително се зголемил кога бил објавен датумот на погребот на папата Франциск.

Туристичката агенција „Лацио EBLT“ соопшти дека 150.000 нови туристи пристигнале во Рим пред погребот на папата Франциск, со што вкупниот број посетители во тој период достигнал 320.000.

Папата Франциск беше избран на конклава во 2013 година по два дена гласање, а почина на 21 април на 88-годишна возраст и беше погребан во римската базилика Санта Марија Маџоре.

Изборот на нов поглавар на Римокатоличката црква ќе почне на 7 мај и ќе трае сè додека еден од кандидатите на гласањето не освои двотретинско мнозинство.

Извор: 24vesti.mk

MARKETING

MARKETING

Претходно

Крстевски: Кочани се соочува со рестрикции на вода

Следно

За кардиологот на Вучиќ не е реално тој да се врати на редовните активности во следните дена

Latest from Blog

Царинската управа во текот на април наплатила приходи од 11,7 милијарди денари

Сакам да објавам одлични вести од Царинската управа – кпи се показател со бројки и факти дека се работи одговорно и домаќински, напиша на својот профил на Фејсбук премиерот Христијан Мицкоски. „Царинската

[Видео] Дина Јашари со нов сингл „Градот“ – интимна ода за Скопје

Кантавторката Дина Јашари го објави својот нов сингл „Градот“, заедно со видео спот, со кој официјално го најавува нејзиниот нов звучен израз. „Градот“ претставува нова етапа во музичкото патување на Јашари, откривајќи

Зеленски: Украина е подготвена да премине кон прекин на огнот што е можно поскоро доколку Русија преземе слични чекори

Украинскиот претседател Володимир Зеленски синоќа изјави дека Украина е подготвена што е можно поскоро да премине кон прекин на огнот доколку Русија преземе слични чекори кон воспоставување целосен прекин на конфликтот во

Сончево и топло, до 30 степени

Времето денеска ќе биде сончево и топло со мала до умерена облачност. Попладне облачноста ќе се зголемува. Ќе дува слаб до умерен ветер претежно од западен правец. Минималната температура ќе биде во
Go toTop