Научниците од Универзитетот во Ливерпул потврдија дека навивачите на новиот шампион на Англија, Ливерпул, предизвикале вистински земјотрес додека го славеле освојувањето на шампионската титула. Гигантот од „Енфилд“ во неделата ја потврди 20-та титула во својата историја откако со убедливи 5-1 го совлада Тотнем и на спектакуларен начин ја заокружи совршената сезона во Премиер лигата.
Титулата беше прославена со големо славје на славниот „Енфилд“, каде 60.145 навивачи не престанаа да пеат и слават. Атмосферата била толку еуфорична што, според експертите, при прославата на головите дошло до вистински потрес на земјата.
Anfield shaking like it’s on the San Andreas Fault 😂 fair play though, that’s the loudest it’s been since the last time they nearly won the league! 🔥🔴 #YNWA #PremierLeague
— Cosmobet (@CosmoBetOne) May 2, 2025
Истражувачки тим од Универзитетот во Ливерпул, предводен од доктор Фарназ Камранзад, поставил сеизмичка опрема на самиот стадион со цел да го измери влијанието на реакциите на публиката. И резултатите биле фасцинантни: при голот на Алексис Мак Алистер во 24. минута билл измерен потрес од 1,75 степени по Рихтерова скала што е доволно силно да се регистрира како микро-земјотрес.
„Се работи за мали потреси, не доволно силни за да ги почувствуваат присутните на трибините, но дефинитивно значајни за да остават трага во сеизмичките записи“, објаснува доктор Камранзад.
Фото: Liverpool FC/FB
Извор: kurir.mk
