Македонската фудбалска легенда Горан Пандев во интервју за италијанските медиуми ја пофали играта на Интер против Барселона и истакна дека е навистина штета што „нераѕурите“ не победија на гостувањето во Шпанија.
„Неверојатен меч, штета што не победивме. Интер одигра луд дуел, не секој може да се покаже така. Интер заслужи многу повеќе. Го држеа теренот доста добро, сите беа поставени според план, имаа и одлични контранапади. Покажаа и сила при еден на еден ситуациите. Барселона може да прими голови, но доста знае и да даде. Беше забавно“, изјави Пандев.
Интер и Барселона следниот меч го играат во Милано, а токму тој дуел ќе го даде патникот во финалето на Лигата на шампионите.
Извор: kurir.mk
