Воодушевувачко „море од облаци“ ги покри падините на снежните планини Каџкар во провинцијата Ризе, во североисточна Туркије, создавајќи магични сцени, јавува Анадолу.
Висорамнините на Ризе, познати по својата природна убавина во текот на целата година, се претворија во бајковит пејзаж поради неодамнешното студено и дождливо време кое ја зафати областа.
Густата магла, која се формираше во долината на Националниот парк „Каџкар“ во округот Чамлихемшин, беше забележана во импресивни детали со употреба на фотографија со долга експозиција.
Со дрон беше снимено и фасцинантното движење на маглата како се издига кон планинските падини.
Оваа појава претставуваше вистинско визуелно доживување, дополнително истакнувајќи ги живописните пејзажи на регионот.
Националниот парк „Каџкар“, омилена дестинација за љубителите на природата, продолжува да привлекува посетители со своите единствени сезонски трансформации и зачудувачки пејзажи.
Извор: Anadolu Agency (AA)
