Не може друг да кажува кој треба да биде во Владата освен премиерот, изјави денеска министерот за здравство и лидер на Алијанса за Албанците во коалицијата Влен во Владата Арбен Таравари.
Изјавите на лидерите на Влен, односно на вицепремиерот Изет Меџити ги оцени како емоционални реакции кои дојдоа откако АА одлучи да излезе со сооствени советнички листи исто како што одлучи и ЗНАМ, но во соработка со ВМРО-ДПМНЕ.
„И на Влен им го предложивме истото Ова се емоционални реакции од тоа то остана во Влен. Треба да бидеме внимателни умни и рационални, бидејќи се работи за политика“, истакна Таравари. „Овој период не сакам да предвидувам, да донесувам одлуки, на крајот од краиштата доколку Влен се одлучни во тоа што го кажуваат овие 4-5 дена, ние како политичка партија ќе ги видиме нашите опции“.
На прашањето дали евентуалното излегување на АА од Влен значи и излегување од Влада, Таравари рече „не мора да значи“.
„Тоа е одлука на премиерот. Доколку премиерот смета, јас сум разговарал со него и пак ќе разговараме, но доколку тој смета дека АА не треба да биде во Владата, ние таква одлука ќе прифатиме. Но, не може никој друг да кажува освен тој што фотмира влада“, нагласи министерот за здравство и лидер на АА во коалицијата Влен Арбен Таравари.
ИЗВОР: racin.mk
