Тренерот на Реал Мадрид, Карло Анчелоти упати критики до младиот Ендрик, го советува да игра едноставно и ефективно наместо да прави шоу за публиката откако младиот Бразилец проба да го лобува голманот.
ENDRICK WHAT ARE YOU DOING? WHY SHOOT LIKE THAT? pic.twitter.com/c7ixDQ6tXV
— @thedesigner (@heyJudemeow) April 23, 2025
Реал Мадрид синоќа со 0-1 славеше на гостувањето кај Хетафе и го задржа чекорот со водечката Барселона.
Победата можеше да биде и поубедлива, младиот Ендрик имаше две добри шанси, но не реализираше.
Второто промашување на Бразилецот особено го налути и фрустрираше Карло Анчелоти, кој кратко потоа го повлече напаѓачот од игра и на негово место го стави Џуд Белингем.
„Ендрик имаше две шанси, при првата направи се како што требеше, но немаше среќа да погоди. Што се однесува до втората, можеби беше во офсајд, но можеби и не беше“ – вели тренерот на Реал Мадрид.
„Сепак, не може да прави такви работи. Млад е и ќе научи. Но, не може да прави вакви трикови, треба да ја шутне топката силно, а не да мисли на тоа како да направи шоу за публиката“.
Критиките на Карло Анчелоти се за потегот на младиот Ендрик по десетина минути игра во второто полувреме, напаѓачот се најде во ситуација еден на еден со голманот на Хетафе и реши да го лобува од 16 метри, но тоа го стори многу лошо и само му ја додаде топката на Давид Сорија.
Извор: kurir.mk
