Судењето за убиството на Вања и Панче продолжува на 28 април откако денеска во Основен Кривичен суд Скопје сведочеше обвинетиот Љупчо Палевски. Следното рочиште треба да продолжи со вкрстени прашања од Обвинителството и одбраната на останатите обвинети.
Палевски денес ги оспори обвинувањата против него, тврдејќи дека доказите се нецелосни и манипулативни. Негираше учество во грабнувањето и убиството на Вања и Панче, објаснувајќи дека бил во банка, на пазар и на состанок во партијата „Десна“ на денот на убиството. Тој негираше дека го возел Цитроенот на Жежовски и дека бил во неговата куќа.
Палевски истакна дека доказите се фалсификати и посочи недоследности во истрагата, особено во врска со видео-снимките.
Палевски е последниот сведок во случајот, а претходно сведочеа други обвинети, меѓу кои и Велибор Манев, кој го обвини Палевски за организирање на грабнувањата и убиствата.
ИЗВОР: ТВ 21
